I é trei i candidac en jech per l’encèria de Sorastant de la Scola Ladina de Fascia.
La Comiscion, con a cef l dirigent de l’Istitut »La Rosa Bianca – Weisse Rose« de Ciavaleis Marco Felicetti, à valutà chisc dis passé i titoi di enscinué, prum element de la selezion.
I 3 candidac che à i requisic domané e l’atestat de cognoscenza del lengaz ladin e che cognarà vegnir touc dant te la seconda pèrt de l’ejam, demò a ousc, l’é Federico Corradini, Alessandro Turcato e Patrizia Lampis. Turcato e Lampis i à ensegnà te la Scola de Fascia e ades i é dozenc te autra scoles del Trenton, Corradini enveze l’é amò en servije te la Scola Ladina de Fascia.
La valutazion di titoi, ofizialisèda ai 16 de jugn, met dant na situazion belebon pervaliva, con Corradini e Turcato che à concostà 21 ponts e Patrizia Lampis che n’à concostà 20,5. L’ejit sarà donca dut determinà da la proa a ousc. (lg)
Trei candidac a Sorastant per la Scola de Fascia
La Comiscion à valutà i titoi, pruma pèrt de l’ejam che perveit amò la proa a ousc.
Galaria retrac
View the embedded image gallery online at:
https://www.lausc.it/valedes-ladines/fascia/16119-trei-candidac-a-sorastant-per-la-scola-de-fascia#sigProId8d98cfa9d4
https://www.lausc.it/valedes-ladines/fascia/16119-trei-candidac-a-sorastant-per-la-scola-de-fascia#sigProId8d98cfa9d4