La Usc di Ladins

La sociazion de volontariat Lifeline Dolomites de Sèn Jan seghita con gran empegn sia atività. L president de Lifeline Dolomites Claudio Merighi auza fora che, do la malatia e la mort del dotor Carlo Spagnolli, che l é stat l faro che à enlumenà l troi de solidarietà de la sociazion e n gran ejempie de dedizion ai malé e ai purec de l’Africa, la ativitèdes e i projec sanitères é vidé dal vizepresident de la sociazion Dario Visconti, jà diretor sanitèr e primarie radiologh del ospedèl de Ciavaleis.

La pandemia à metù sotessora n muie de ativitèdes de noscia sozietà e l’à uzà fora amò de più la desvalivanzes anter la categories sozièles del Ozident, ma soraldut di Paijes en via de svilup, che à ciapà demò da pech da l’Europa i vazins antiCovid. Enceben dut chest, per fortuna tel Zambia, nazion che ti ultimes egn la é stata al zenter de la ativitèdes de solidarietà de Lifeline Dolomites, la situazion sanitèra no la é dramatica.

Se pel lejer de più sui projec porté inant da Lifeline Dolomites su La Usc stampèda de vender ai 19 de november.