La Usc di Ladins

No demò festa e recordanzes: per l cedean la Scola de Fascia, ensema con la sociazion ESSIA, na sociazion nazionèla per la valorisazion de la Scoles d’èrt, à endrezà n convegn per tor dant la prospetives e i orizonc neves del design e de èrts de fegura tel panoram contemporan, per vardèr inant e troèr stimoi per seghitèr a miorèr.

La relazions, longes ma dassen de gran enteres, se à dejout en sabeda ai 22 de otober per dut l inant mesdì te la sala grana de la Sorastanza, e les se à serà su col messaje più bel: chel del president de ESSIA, Carlo Carli, che l à dit che a la fin de vigni convegn sia sociazion fèsc na chèrta de chel che l é vegnù fora, e che, do aer vijità la scola con si laboratories, aer vedù mostres e operes e aer rejonà con si ensegnanc e referenc, ESSIA l à pissà che la chèrta de chest convegn podarà portèr dant la Scola d’èrt de Fascia desche n model da ge portèr dant e da tor desche ejempie da duc i Licees artistics nasciui dal besegn de n teritorie de ge dèr lurier a sia jent. Defat l à desmostrà la capazità de passèr da Istitut profescionèl a Liceo e de se orir al davegnir zenza desmentièr la tradizion e l leam col teritorie, ezelenza del lurier del legn te sia esprescions desferentes e bona de re renovèr duran ence la neva tecnologies.


De più se La Usc stampèda de vender ai 28 de otober.  (Lucia Gross)