La Usc di Ladins

Segur na endesfida no da pech chela de meter a jir per la 42^ outa la Gran Festa da d’Istà, che desche zenza à bina te Pian de Parèda per trei dis de seghit n grumon de jent ruèda da dut entorn. Crousc Biencia e Studafech de Cianacei, dessema con sacotenc volontadives da desvalives paijes de Val, à metù a jir te Pian de Parèda un di più gregn e cognosciui tendons del Trentin-Südtirol. N gran lurier che l va a se jontèr ite ai intervents de emergenza, che desche zenza à vedù empegné i volontadives: na fin de setemèna donca dalbon empegnativa, che ampò ge regala a duc na Gran (e bela) Festa da d’Istà.

De più con desvalives retrat de Anton Sessa su La Usc stampèda de vender ai 15 de setember.  (Nicoletta Riz)