La Usc di Ladins

L é online a la direzion www.scuolaladina.com l nef portal de la Scola Ladina de Fascia, realisà chest an per didèr do la comunicazion con duc i studenc, i ensegnanc e i genitores di desvalives ordegn de scola te Fascia, da la scolina enscin ai licees.

Te chest rich contegnidor de informazions, n muie utol e clicà te chest trat de temp l é la sezion de prejentazion di trei licees de Fascia, l Artistich, l Linguistich e l Scientifich e del Ski & Ice College, realisèda per i studenc che anchecondì fèsc la terza mesèna e che te la setemènes che vegn cognarà cerner sia direzion de studies del davegnir.

No demò sul web ma ence sui canai social de Facebook e Instagram scola_ladina e skicollege.fassa se pel troèr e aprijièr video dinamics e agiorné che revèrda i projec de scola e la sacotanta proponetes de agregazion di licees de Fascia, tant emportantes aldidanché per la neva generazions per madurèr competenzes da spener tel mond del lurier e te la vita da duc i dis.

De più su La Usc stampèda de en vender ai 17 de november del 2023

 (CRI.M)