La Usc di Ladins

Na dì domesdì vae ta Penìa, é apuntament con Nena lo dal Bar de Penìa. Maddalena Iori no l é demò l’ultima bachèna de la vila, ma de duta la Val de Sora. La spete defora da usc: l é acort, l soul rumor l é l’èga che cor e l ciampanil che bat l’ora. Sion de mèrz, ma lo l biteboi di etres paijes no l é mai ruà. Maddalena tegn sia besties te stala de Mario de la Ninotes, na stala da n’outa, che à amò i volti, la cianaus e sui ujes l é scrit col śes la benediscion di Trei Rees, Christus Mansionem Benedicat.

Nena la me conta de sia vita scempia: chel che enlouta l era l mestier de duc, anchecondì l é dalbon de na picola pèrt de la jent. E amò de manco l é i bachegn che à stales scì picoles e da n’outa. L sie l é n lurier leà al jir de la natura e de la sajons, che ampò l vegn ca da la pascion e dal amor per chest mondo.

De più su La Usc stampèda de en vender ai 8 de mèrz.  (Nicoletta Riz)