La Usc di Ladins

La fin de setemèna passèda l é stat l Festival del Spretz Tzaorì, trei dis dediché al protagonist l formai ‘Puzzone’, con laboratories, cerces e la desmonteèdes de la vaces.
Chesta l é stat na dì de festa per duta la mèlghes e i bachegn adum, sorafora i pensieres e i festidesc de chest ultim temp. Una de la ultima neves, vegnudes fora proprio chisc dis, l é chela che revèrda l Concast, l Consorzie de la Mèlghes del Trentin. Franco Paoli, comissarie metù apede al Consorzie, ge à portà dant al Consei de Aministrazion la proponeta de na fujion de la mèlghes che da 14 les passassa a 4, da fèr tel temp de n an. Na fujion pissèda soraldut per ressolver la situazion de crisa del setor, smendrèr la speises e aer n vadagn maor da spartir fora ai sozi. Chest projet pervedessa che la Mèlga de Fascia vegne metuda ensema a chela de Moena-Pardac, chela de Ciavaleis e chela de Primier. »No son d’acort con chesta proponeta – à dit l president de la Mèlga de Fascia Luigi Deluca de Coluzi – e peisse che sun chest me vegne do ence l Consei e i sozi.«

Se pel lejer dut su La Usc nr 37 dai 26 de setember, che se pel troèr ence te la boteighes de sfoes. Sul sit www.lausc.it se pel fèr l abonament al e-paper per aer azes vigni vender a dut l sfoi sul fonin, tablet o computer.  (Monica Cigolla)