La Usc di Ladins

I sozi de la sozietèdes de impianc portamont de Ciadenac e Bufaure se à palesà a una per la fujion. Do che te la radunanzes de chest’aisciuda passèda i presidenc, respetivamenter Claudio Bernard e Christian Lorenz, aea metù dant l projet de fujion, ades i sozi é stac chiamé ite per deliberèr te na radunanza straordenèra. La scontrèdes é states ansera, mèrtesc ai 23 de setember te sala de Consei de Comun de Sèn Jan olache da les 5 se à binà i sozi de la Bufaure e da mesa les 7 chi de la Ciadenac. I sozi à lità per meter su na neva sozietà che arà inom ‘Catinaccio Buffaure S.p.A Società Benefit’.

Te chesta radunanzes l é stat nominà ence l Consei de Aministrazion che tol ite Claudio Bernard, Daniele Dezulian, Giulio Florian, Walter Florian, Christian Lorenz, Elisa Maccagni e Fabio Romelli.

De più su La Usc stampèda de en vender ai 26 de setember da poder ciapèr ence te la boteighes de sfoes de la val

 (Monica Cigolla)