La Usc di Ladins

En vender ai 17 de mé te Chino Marmolèda la Musega Auta Fascia à metù a jit l conzert d’aisciuda per la pruma outa vidà da sie nef maester Fabio Riz. Te chest apuntament zis aprijià da la comunanza l é stat portà sun paladina, do desvalives meisc de proes, n repertorie musical zis fora de anter.
La sera se à avert coi toc ‘Baby Marcia’ e ‘Fanfare Jubiloso’. Descheche à dit i moderatores a na vida gustegola, l maester no l à podù ruèr te la formazion con la mans scorlan, ma con n don: belimpont la Musega à sonà ‘Echo Alp’, na melodia da mont scrita dal maester Riz per i 200 egn de la Musega da Vich.

De più su La Usc stampèda de en vender ai 24 de mé.  (Nico)