La Usc di Ladins

Tel an de scola passà i bec de la Scola populèra de Vich i à abù na ocajion unica per meter la mans te tera e descorir la reijes de la tradizion da bacan de nesc lesc, de grazia al projet metù a jir da Coldiretti.

Te clas bachegn esperc à spartì con gaissa sie saer per arvejinèr i picoi studenc ai secrec de la coltivazion.

Ma l é stat la raida didatica a »Terre Altre«, fora i Masi de Ciavaleis, a ge donèr ai bec na esperienza concreta: tocèr con la mans i ortames e capir che che vel dir dalbon lurèr la tera e i fèr crescer.  

De grazia a la familia Pederiva de Vich che à metù a la leta n toch de teren vejin a la scola, i bec de terza e quarta clasc i à podù portèr inant l’esperienza doventan de picoi veri bachegn. Vidé da la maestres e dal maester Giorgio, i à semenà desvaliva piantes tel meis de jugn, inant che fenesce l an de scola.

De più su La Usc stampèda de en vender ai 6 de dezember.