La Usc di Ladins

La comunanza parochiala del Comun de Sèn Jan se à binà en mercol ai 24 de jugn per prear sie sènt patron. Da le ot da sera l é pontà via la procescion dal Comun General de Fascia con dantfora i confalogn, la Musega da Vich, la statua del Sènt portada dai Monesc de Sèn Jan, i preves e la jent. Don Mario Bravin à zelebrà messa uzan fora l ejempie de Sèn Jan Batista. 
Temp de sagra ence per la comunanza parochiala de Soraga che en lunesc ai 29 de jugn se à binà te gejia per prear si Sènc patrogn e per se strenjer con recognoscenza dintorn a si preves.

Entorn le diesc da doman da le scole l é pontà via la procescion con i confalogn, i preves con i servidores, l grop de folclor, la corala e la comunanza. La messa é stata ofiziada da don Mario Bravin sun utar ensema a Padre Giovanni Rossi del Baila e al diacon Antonio Ghetta. Dantfora Marco Zulian, a inom del comitat parochial à let ju de bele parole.

Podede lejer dut su La Usc stampèda dai 3 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)