La Usc di Ladins

Ai 16 de mé te la litazions de la Frazions de Penìa e apede ai veies componenc Stefano Salvador de Stochier, capofrazion da dant, Stefano Bernard Napoli, Paolo Verra de Pilon e Simone Valeruz Crust l é ruà ite ence Marco Verra de Pilon al post de Sabrina Daprai. Entorn la metà de jugn se à troà l Comitat per litèr l capofrazion e con 3 stimes sun 5 l é stat lità Stefano Bernard Napoli. »Gé fosse stat a la leta per jir inant desche capofrazion – ne à dit Stefano Salvador – se aane metù endò duc chenc ensema proprio tel segn de na continuità. Gé me é metù percheche la jent me à domanà de me meter amò, é ciapà più stimes che Napoli (61 stimes Salvador e 51 Stefano Bernard, ndr) ma a la fin 3 sun 5 i à lità per el. Gé son restà mèl e me é tirà fora dal Comitat, é manà la letra de demiscions.«

Podede lejer coche se à dejout la costion e ence la posizion del capofrazion su La Usc stampèda dai 3 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)




 (Monica Cigolla)