La Usc di Ladins

En vender ai 26 de jugn la comunanza de Moena à festejà sie sènt patron Sèn Vile. Dotrei museganc à descedà fora l paisc jà bel bonora e dapò entorn le nef ensema ai Scizeres i à passà fora l zenter fin tedant a la statua del sudà te piaz Ramon olache i se à fermà per n picol moment ofizial de recordanza.
Dant le 10, ensema a le sociazion de paisc, i é jic a tor i preves e le autorità tedant calonia per i compagnar fin te gejia. Chest an sun utar apede a don Gianni Damolin l era don Devis Bamhakl, don Bruno Daprà e don Valentino Chiocchetti che à ofizià la messa en ocajion de si 70 egn de ordenazion.
Don Valentino l é del 1932, l é stat ordenà preve del 1956, l é stat paroch per 49 egn, de chisc 39 l li à passé te Fiem. Dal 2012 l é colaborador a Levico e Caldonazzo.

Podede lejer dut su La Usc stampèda dai 3 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)