La Usc di Ladins

Tel ultim Consei de Comun de Cianacei l é stat tout dant segnalazions del grop de mendranza ‘Canazei Comunità e Progresso’, che aea uzà fora na lingia de situazions, con tant de retrat apede, de strèdes, tombins, marciapees e sparangoles de paisc che con pech podessa vegnir comedà. L’Aministrazion à tout su con favor l spirit propositif de la mendranza e l’à fat a saer che duc i ponc uzé fora tel document é stac touc su dai ofizies competenc, per la maor pèrt l é jà stat dat su ence la encèries de intervent.
La mendranza à dapò portà dant na interogazion en cont de la intenzion de fèr na limitazion del trafich che jissa a enteressèr ence la valèdes dintornvia e l'à domanà se l’Aministrazion é a cognoscenza de chesta intenzion e colunes che l é la azions che la enten meter a jir per l trafich e limitazions sui jouves. En ultima con na mozion l é stat domanà de meter su n grop de lurier tecnich per se enjignèr a la competizions di ‘Super Mondièi de ziclism’ del 2031 finanzià da fondi provinzièi per l svilup del setor de roda.

Podede lejer dut su La Usc stampèda dai 3 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (MCI)