La Usc di Ladins

I malai e chi che à da stai sarai via gauja l Covid-19 ntei comugn de Souramont i é darè bel adajio a calà: i ultimi dac i ne dà 3 pojitif e 4 a Col, 3 pojitif e 1 n ijolament a Fodom e n Anpezo 14 malai e 12 persone n ijolament. Somea donca che sione darè a jì incontra a na situazion manco seria, darè stemane ulà che a Col e Fodom i caji i eva jui su n pressa – Col nten zerto momento l eva nte la fassa pi critica de la Provincia come raporto contagei/popolazion ajache con puoch pi de 300 persone basta puoch parceche sta percentual la siebe auta: i caji de coronavirus n Anpezo i s’à inveze redot bel adajio da nvalgune stemane n ca.

Intant la Ulss Dolomiti, per chi che s’à pardù l promemoria per la seconda doje de la variola, la met a dispojizion n numer de telefono: se pol ciamà l 0437 184 99 00 dal lunes al vender da le 8:30 a le 16:00 e la sabeda da le 8:30 a le 12:00 per se fà dì canche l é l’apuntament.

(l articol intier su la Usc de vender ai 16 de auril)

Martino Pezzei