La Usc di Ladins

La derijënta dla Cësa de Paussa de Urtijëi Sabine Rifesser fej n cheder dla situazion tla strutura, cun passa vint amalei de coronavirus, al mumënt. Mpo iel da dì che l ie, ti sies mënsc passei, unì fat n gran lëur da pert di cunlauradëures y respunsabli dla Cësa, sibe per cialé de strënjer ite la malatia tla strutura, che per cialé de ti garantì inant ala jënt de tëmp na vita soziela sun mesura, sambën for tl respet dla mesures de segurëza.
Al mumënt iel danz mpo na situazion pesocia, cun 15 ghesć positifs y doi ulache n ne n’ie mo nia defin segures sce i se ebe propi tacà l coronavirus de de ndut 75 persones de tëmp che ie te Cësa de Paussa. Oradechël iel 11 cunlauradëures positifs, de de ndut passa 80. Chël uel dì che nchin a n lunesc de chëst’ena, ai 23 de nuvëmber, n fòvel de ndut 26 de positifs, tla Cësa de Paussa de Urtijëi, danter jënt de tëmp y cunlauradëures. Nchin al’ena passeda n iel mort trëi cun l coronavirus. Chësta ie la situazion, che va ndolauter da chël che ie stat l resultat di tests dl’ena passeda, ulache l ie te Gherdëina unit ora n percënt scialdi bas de amalei de coronavirus, de nul coma puec ponc percënt. Te Cësa de Paussa, cun ntëur a 160 persones danter jënt de tëmp y personal, ie l percënt de passa 15%. Sciche nutizia drët positiva pòssen tò su l fat che pra l ultimo test fat n lunesc ai 23 de nuvëmber ne n’iel plu ruvà leprò degun resultat positif.

L articul ntier tla edizion stampeda di 27 de nuvëmber.

David Lardschneider

FOTO: Cunlauradëures dla Cësa de Paussa cun la tutes de segurëza anticovid.