»Ara é jüda miú de co che an s'ess aspeté«

Data

12 de jené 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Insciö nes dij Iwan Costamoling, ostí y surastant dla Lia di Ostis da Corvara sön le scomenciamënt dla sajun da d'invern, na sajun che é piada ia bun, ince sce cun n valgünes dificoltés
Cun i pröms de dezëmber é piada ia la sajun da d'invern, na sajun tan aspetada, che á scomencé cun val' dübe y tëma, mo cina sëgn éra jüda bun, »miú de co che an s'ess aspeté«, nes dij Iwan Costamoling, surastant dla Lia di Ostis da Corvara. Y chësc unse düc canc podü odëi tratan les festes da Nadé y Nanü, canche al é rové adalerch n gröm de ghesć. Sëgn, de jená, él indere sté deplü desdites; tratan les proscimes trëi edemes sarál porchël de manco sciori, deache al mancia dantadöt i ghesć da foradecá, che stënta da gní a gauja de restriziuns, carantenes o che ne s'infida nia da prenoté sües vacanzes te n raiun a risch alt (Hochrisikogebiet, ndr), sciöche le »Robert Koch Institut« á detlaré Südtirol.

Les infeziuns crësc, n valgügn hotí mëss stlü
Te chësc momënt dla pandemia crësc le numer dles infeziuns dër dassënn. Le virus se desleria fora debota, ince te nüsc paisc, ti hotí y danter i colaboradus. Insciö él bele sozedü che n valgönes strotöres, che â deplü colaboradus infetá o en carantena, á messü tó la dezijiun da saré jö o stlü temporaneamënter por garantí la segurëza di ghesć y pormëte ai amará da varí. Sön co che ara jará inant, sön les apetatives y speranzes por chësta sajun nen unse baié cun le surastant dla Lia di Ostis das Corvara, Iwan Costamoling.

L'intervista podëise lí tla ediziun stampada che vëgn fora en vëndres ai 14 de jená.   (kp)