La Usc di Ladins

Janes Canins é nasciü y chersciü sö a Calfosch. Studié ál da conditer, mo te süa vita ál ince fat d'atri mistiers, danterlater le pech. Chësc laur che ne ti plajô nia plü, deache al ne ti conzedô nia da sté tröp tëmp pro süa familia. Dl 2019 ál insciö tut sö la proposta de süa fomena Iana da jí a vire ia tla Slovachia, a Ilava, na picera cité dluncia Trenčín, a n'ora y mesa dala capitala Bratislava. Chiló é Jana da ciasa y chiló á Janes realisé so some, chël de daurí na conditoria, che porta l'inom talian »Dolcetto«. Le scomenciamënt ne é nia sté saurí, danter les limitaziuns dla pandemia y les dificoltés da se ambienté te n paisc forest. Mo sëgn se stál saurí te so daciasa nü, nes dij Janes, che é gnü a Calfosch por passé n valgügn dis de vacanza.

Nos l'un incunté y ti un fat na intervista, che i podëis lí tla ediziun stampada d'La Usc che vëgn fora indoman, vëndres ai 5 d'agost.  (kp)