Le fin dl’Euregio é chël da cherié punc, da vire l’identité tla diversité y da cherié n liam sura i confins fora, cun le pinsier de na picia Europa tl’ Europa.
Dal 2011 incá él la "Euregio Tirol - Südtirol -Trentin", y da oramai plü co 10 agn laora l’Euregio te na manira suraconfin sön tematiches desvalies. Al vëgn tres indô metü a jí scomenciadies y proiec de valüta por döta la comunité dl’Euregio. An pó chiló alzé fora le "Tour of the Alps", le "Euregio Family Pass", le de di museums, le "UploadSound" y i.i. Gran importanza ti dá l’Euregio ai proiec por mituns y mitans, jogn y jones. Cun le "Festival dla jonëza dl’Euregio", un di pröms proiec suraconfin dl’Euregio, él gnü metü a jí le pröm proiet por jogn y jones. Le "Euregio Summer Camp" pîta n’edema de devertimënt y aziun por scolars y scolares dla scora mesana. Le "Euregio Sport Camp" é ponsé por jogn y jones che á ligrëza da fá sport y le "Euregio Music Camp" ti dá la poscibilité ai talënc jogn da fá musiga adöm. Un di ultims proiec dl’Euregio, ponsé por les scores, é "Euregio fej scora", nasciü sot ala presidënza dl Tirol tl 2020.
Liede inant deplü indoman tla ediziun nöia dl foliet ladin!
"Euregio fej scora" - Imparé a conësce l'Euregio ince por ladin
Dui stac, trëi raiuns, öna na Euregio: l’Euregio liëia tl cör dl’Europa i trëi raiuns dl Tirol, Südtirol y Trentin. Liá adöm é chisc trëi raiuns nia ma dala storia, mo ince da n gröm de condiziuns y fac geografics, economics y culturai
Galaria retrac
View the embedded image gallery online at:
https://www.lausc.it/valedes-ladines/val-badia/25043-euregio-fej-scora-impare-a-conesce-l-euregio-ince-por-ladin#sigProIdbe667bec7d
https://www.lausc.it/valedes-ladines/val-badia/25043-euregio-fej-scora-impare-a-conesce-l-euregio-ince-por-ladin#sigProIdbe667bec7d