La Usc di Ladins

Val’ de él ca che sön la plata insta­gram »L’occhio del Gigiàt«, él da odëi na fotografia de na scrita sön pera dolomitica, ara dij: »Stop, basta turisć« (»Stop! No more tourists«). Dé dant éle che ara é gnüda fata tla Val Badia y ciafé fora á le foliet La Usc di Ladins che le post é chël dl Sas dla Crusc, olache la man dl:a manifestant:a á lascé la merscia plü otes sön le tru che porta sö insom Sas. Scrites sciöche chësta, é la usc de n’aziun de protesta, che se descëda te chësc momënt n pü’ sura döta Europa y é da osservé dantadöt tles metropoles. Tres deplü é chiló les assoziaziuns che fej süa la usc de ambientalisć y dla jënt dl post, stüfa da messëi soporté les groaries che­ riades dal fenomen dl »turism de massa«.

Liede inant tla ediziun nöia de vëndres, ai 6 de setëmber!