La Usc di Ladins

Al Plan á desfiré por bëgn 34 agn le festival internazional dles scoltöres tla nëi. Na manifestaziun organisada dala Cooperativa Turistica en colaboraziun cun i colegs da Sanciana, olache scuadres da piz a ciantun dl monn rovâ alerch y trasformâ la strada prinzipala te na "galaria d’ert alaleria", aprijada sides dai sciori che da jënt dl post. Cun chësc ann ésera atramënter. Le festival resta inant, mo al se müda: dales scuadres internazionales éson passá ai artisć da chiló. Dai 15 ai 18 de dezëmber él insciö rové alerch cin’ grups de studënc dla scora profescionala por l’artejanat artistich da Urtijëi, "La Prufesciunela", che á trasformé i gragn cadrí de nëi te operes d’ert a tëmp. La premiaziun é stada ai 18 de dezëmber da sëra. 

Deplü sön chësta mudaziun y sön le festival ciafëise t’La Usc di Ladins di 24 de dezëmber  (pablo)