La Usc di Ladins

L "CoronaPass Südtirol" vel coche ticket per jì a teater, cunzert, chino (mé sce n resservea danora y cun l 50% dla lerches), per jì te museums y a ti cialé a na mostra.
I cores y la Mujighes possa tenì proes, reprejentazions y cunzerc. L possa fé pea al plu 15 persones dedite. Uniun y uniuna muessa avëi l CoronaPass, unfat sce la manifestazion o proa ie dedite o dedora. Per la manifestazions n muvimënt iel udù dant na destanza nterpersunela de doi metri.
I zëntri y locai per la junëza ie davierc. L ie nce mesun tenì cursc de furmazion. Dut chësc mé per chiche à l CoronaPass. Per l lëur cun jëuni y jëunes alalergia ne vàla nia debujën dl CoronaPass.
La sentedes genereles y i viages de furmazion ne n'ie nia udui dant. Per l pernutamënt te na cësa autogestida o te n camping se vëniel damandà l CoronaPass.

Chi giapa pa l CoronaPass?
L pass giapa chiche à n codesc QR de n resultat negatif de n test PCR, n test antigenich o de n test dl nés nia plu vedl de 72 ëura. L vel nce la cunfërma che n à fat la dlavea (l muessa vester passà almanco 14 dis dal zitlus udù dant) o la cunfërma dl'Azienda Sanitera che n à abù l Covid-19 ti ultimi sies mënsc. L ne vel nia n zertificat cun i anticorps.

Plu nfuramazions
Duta la dumandes FAQ y respostes n con' dl CoronaPass ie da giaté sun la plata www.provinz.bz.it/coronapass.
Dumandes spezifiches n con' de chësta urdenanza ti possa unì fates al secretariat generel dla Provinzia de Bulsan.