Por l'ann 2020 é le numer di posć por stüde de infermieristica resservá, aladó dla convenziun danter Provinzia y Desproch, indöt 18, sëgn é le numer gnü alzé a 30 al ann. Chësc, por i 3 agn che á da gní.
Le stüde por cura sanitara y infermieristica al Istitut profescional por la sanité a Desproch döra sis semestri y se stlüj jö cun le titul de bachelor. Aspirantes y aspiranc a chësc stüde é liá al dovëi da laoré tla spana de tëmp di cin’ agn do le stüde por trëi agn tl sorvisc sanitar de Südtirol. Le post de laur por i assolvënc de chësc stüde convenzioné a Desproch é donca garantí.
L’oferta dla Provinzia tol ite düc i cosć liá al post de stüde y les tasses de stüde. Lapró á la Provinzia ciamó sëgn ajunté n’atra atraziun: le pröm ann de stüde, tratan chël che tröpes y tröc lascia o se chir n ater tru formatif o profescional, é tut fora dal dovëi de rotüda dl 50% di finanziamënc provinziai.
Südtirol á 90 posć resservés a Desproch
Por se paré dala ciarestia de infermieres/s sostëgn la Provinzia por i proscims trëi agn 90 posć de stüde tl Istitut profescional por mistiers sanitars a Desproch
Galaria retrac
View the embedded image gallery online at:
https://www.lausc.it/atualite/17355-suedtirol-a-90-posc-resserves-a-desproch#sigProIdd449af6ed8
https://www.lausc.it/atualite/17355-suedtirol-a-90-posc-resserves-a-desproch#sigProIdd449af6ed8