Te la sala grana de la Majon di Fascegn, do l salut de la presidenta de l’Istitut Cultural Ladin Lara Battisti e del Procurador del Comun General de Fascia Giuseppe Detomas, la Secretèra generèla de l’Euregio, Marilena Defrancesco da Moena, à portà dant l program 2022 che met al prum post l’atenzion envers la neva generazion con
View the embedded image gallery online at:
https://www.lausc.it/atualite/21144-euregio-fugatti-kompatscher-e-platter-te-fascia#sigProId14194ba8ce
https://www.lausc.it/atualite/21144-euregio-fugatti-kompatscher-e-platter-te-fascia#sigProId14194ba8ce
Do i lurieres del GECT l é stat la Radunanza Euregio, a chela che tol pèrt raprejentanc di Consees di trei teritories. L president Fugatti à portà dant i projec gestii diretamenter o coordené da l’Euregio. Adum col president de la Provinzia autonoma de Busan Arno Kompatscher e col capitan del Tirol Günther Platter l é stat rejonà de n coordenament per la colaborazion tel setor de la protezion zivila, del projet TINIA per l boletin Meteo de l’Euregio, de la tabeles de benvegnù che vegn metù fora per fèr cognoscer l’Euregio sun duc i teritories e de autra scomenzadives per miorèr e smaorèr la sinergia sorafora i confins te desvalives setores.
Chela endrezèda te Fascia l era la ultima scontrèda de l’Euregio per Günther Platter, che no se candidea più a la presidenza del Tirol: Fugatti e Kompatscher lo à rengrazià a inom de duta la Radunanza per sie lonch empegn per arvejinèr i trei teritories e i ge à sport en segn de recognosciment la reproduzion de na stampa de Fortunato Depero.
De più sui contegnui de chesta scontrèda emportanta endrezèda a Sèn Jan sarà da poder lejer su La Usc stampèda de vender ai 7 de otober.
(Lucia Gross)