La Usc di Ladins

Nstadì, ja Poza, l’é stat la radunanza de la ‘Catinaccio Impianti a Fune’. L bilancio 2023, nvers ai egn passé, l’é un bon bilancio, tant par la Catinaccio che ence par dute le aziende che laora tel ciamp del turism. La Società à fat desvalives lurieres per nmiorar le piste e i servijes, l’é stat comprà neves parcheggi vin Formié e l’é stat metù amò presciapech un milion de euro a resserva.
Donca i compiti a ciasa é stac fac. Che mencia l’é la vijion ‘strategica’
Se l’é vera chel che à dit Umberto Anzelini ndana la radunanza, che le ski aree de Fiem é trop più »atrative« che chele de Fascia e se l’é vera chel che à dit Daniele Dezulian, che Fascia scode 13 miliogn de Euro de skipass che dapò però ven spenui fora de Val, vin Gardena, Badia e Rèba, (apede Fiem, sessaben) valch considrazion/domana besegnassa se la meter dant. (Letra de: Oto Lorenz de Bora, Vich)

De plu tla edizion stampeda de La Usc di Ladins o sun l e-paper a paiament www.lausc.it/e-paper