L slalomist fascian del ’95 en sabeda ai 8 a Chamonix, pean via col numer 56, l’é stat bon per la pruma outa de se califichèr ruan al 30° post e te la seconda pèrt de la gara l’à fat adertura l secondo mior temp de manche, recuperan coscì ben 19 posizions e ruan a la fin giusta fora da la Top Ten, con n beliscim 11° post a 1.31 dal venjidor Clement Noel e col resultat mior anter i taliegn
Desfortuné
View the embedded image gallery online at:
https://www.lausc.it/sport/11907-n-week-end-liberatore#sigProId4e575b922f
https://www.lausc.it/sport/11907-n-week-end-liberatore#sigProId4e575b922f
Endèna podon se consolèr e condivider la gran sodesfazion de Liberatore, che dò se aer vadagnà ponts preziousc te la classifica de Copa del Mond, l dì dò l’à confermà sie moment de òr tel slalom de Copa Europa a Berchstesgaden. Tel Bayern l’atlet fascian de le Fiamme Oro se à dat batalia con Atle Lie McGrathe dò aer vent la pruma manche l’é stat bon de ge tegnir poz ence te la seconda, ruan al travert con 11 centeisemes de vantac sul norvegeis. Pecià per Tobias Kastlunger, 8° dò la pruma manche, che l’é jit fora te la seconda.
Per Liberatore chesta l’é stat la seconda venta e l 4° podie de Copa Europa, e ensema col bon ejit de Chamonix ades i numeres sul piet pel se arbassèr e la chances per concostèr de etres bogn resultac pel crescer. Ge l’auguron de cher. (Lucia Gross)