La Usc di Ladins

Mirko Felicetti ora ti otafs de finela y Daniele Bagozza ora ti cherc de finela te Copa dl Mond de snowboard a Bad Gastein. L ann passà, for de jené, ova tlo Bagozza venciù per l segondo iede na garejeda tl Mundiel, arjunjan si terzo podest. Chëst ann ne n'iel purtruep nia stat bon de fé l bis. Mpo iel per la naziunela taliana stat ucajion de fé festa: l atlet de 34 ani de Persenon Aaron March à venciù la bedaia d'or 11 ani do l ultimo iede. L ova stlut ju coche segondo, ma pona ti iel do n cuntrol dl replay unì dat l prim post.