La Usc di Ladins

Rejonan de Enduro, meton al luster la maraveousa prestazions fascènes te la pruma edizion de la BDG Enduro, prum Trofeo Switch Components, garejèda de spezialità gravity che é stata en domenia ai 6 de jugn a Bassano del Grappa. La proa valea desche seconda tapa del Zircuit Trivenet e l’à dat spetacol con trei proes spezièles dassen completes con sezions tecniches, fates amò più senestres da la pauta che se à formà a cauja de n temporèl stat endèna la net e che fajea sluzièr la rodes soraldut te la pruma doi proes. 

Anter i resultac te la categorìa Elite di profescionisć l’é ruà l bel piazament de l’atlet de Soraga Nicolò Matordes. Con l temp de 14’11”, l ryder firmà Unione Sportiva Litegosa l se à logà te la 5^ piaza a demò 20 seconc dal podie. Medaa de or enveze per l’atlet del Fascia Bike Racing Team Filippo Romano te la categorìa Elite Sport.

Dut l'articol su La Usc stampèda de vender ai 11 de jugn 2021.  (Daniele Verra)