La Usc di Ladins

L calender dla FIS per la sajon nueva é vegnù deliberé amez setember, la sajon piarà via – sciche al é tradizion da agn – con les garejedes de slalom lerch a Sölden fora en Tirol. I dis sarà 23 y 24 de otober 2021.
Les gran novités de chest calender nuef reverda les combinazions, che ne sarà daldut nia plu da ciafé, y la garejeda soula de paralel a Lech tl’Austria amez november.
La Copa dl Mond preveid 38 garejedes per ei resp. per eles, y l numer de garejedes sarà medem anter disciplines asveltes y disciplines tecniches. Per i ei él 11 disceses, 10 slaloms, 8 giganc, 7 superGs, 1 paralel, 1 paralel a scuadres. Per les eles saral 9 giganc, 9 slaloms, 9 diesces, 9 superGs, 1 paralel y 1 paralel a scuadres.
Les finales dla sajon sarà tla aisciuda 2022 a Courchevel/Meribel, la fin dla sajon é preveduda per l di 20 de merz 2022.

Liéde do deplù tla edizion atuala de La Usc di Ladins!