La Usc di Ladins

Tel fin de setemèna di 13 e 14 de november tel stadie de la giacia de Aosta l é stat metù a jir la seconda proa di Campionac taliegn Elite de bal sui feres.

A tor pèrt a chesta competizion nazionèla l é stat ence l joen balarin di Pavei d’Arjent Matteo Marchioni, clas 2007, che tol pèrt te la categoria Advanced Novice de la fascia Elite.

L atlet da Cianacei del Artistico Ghiaccio de Fascia à desmostrà sia capazità su la giacia tant en sabeda tel program curt che en domenia te chel ledech: l prum dì tel ‘short program’ l se à vadagnà 35.28 ponts e l secondo dì sia proa tel ‘free skating’ l’à abù da la juria na valutazion de 64.79, che ge à permetù de  arjonjer sie resultat mior, ruan per la pruma outa al top di 100 ponts. 

Dassen de bie compliments a Matteo e a duta la soziatà de bal sui feres de Fascia.  (LG)