Tla fin dl’edema passada é jü inant le campionat dla pröma categoria, tratan che les gran scuadres dla terza á ince podü mëte man le rode de retüda. Y rodunt pro la terza él sté gran confujiun. Les partides é gnüdes sogades la sabeda ai 23 de merz, olache al é gnü domisdé n tëmp bindebó mat, che á porté plöia, vënt, tonn y tarlis cina ala nëi. Insciö ésera stada por la scuadra dla US La Val, che á soghé te ciasa cuntra Uttenheim y á messü dlotí na pordüda sëcia por 4 a 0. Sön n ciamp da nëi á ince soghé le ACD Val Badia, che á messü jí cina ite Prettau. Jüda i ésera indere bun, deache ai á davagné por 0 a 2, cun goi de Thomas Verginer y Matteo Ploner. La scuadra dl ASC Mareo B ê impegnada tl derby da Furcia ia Valdaora, mo la partida é gnüda desdita por le rî tëmp, do 20 menüc de jüch. Ara gnará recuperada.
La domënia ê le tëmp zënzater plü chît y dailó á le ASC Mareo podü soghé la partida de pröma categoria te ciasa cuntra Freienfeld, che i ladins á davagné por 1 a 0, cun gol de Samuel Frontull. Al é insciö la secunda devënta indôlatra, che fej bun por le moral y mët a saul punc importanc por la salvëza. (pablo)
Palé: devëntes y pordüdes sot la nëi
Na fin dl’edema intensiva por les gran scuadres dl palé dla Val Badia. Sön i ciamps desvalis él sozedü de vigni sort
Galaria retrac
View the embedded image gallery online at:
https://www.lausc.it/sport/26778-pale-deventes-y-porduedes-sot-la-nei#sigProId331d0c4643
https://www.lausc.it/sport/26778-pale-deventes-y-porduedes-sot-la-nei#sigProId331d0c4643