La Usc di Ladins

Con mercui ai 3 de noenbre i marade de Covid – 19 in Apezo i é de 12, donca 4 depì de chi 8 che ‘l ea ai 25 de otobre. Par ra dì outramente, se pó contà che, inze ‘l śiro de ‘na setemana, ‘l é el 50% depì. Beśen śontà outra 4 parsones sarades in ciaśa, parcé che ‘s é stades pede a i marade: poches, vó dì che i marade i é dute de ra medema families, che i stà intor el medemo fo. L é chel che scrie el capocomun Gianpietro Ghedina Crepo, canche el disc che somearae de vede situazios pitosc sarades, inze alcuanta ciaśes. «Na ota depì ve domando de pensà sora a chel che se fesc, parsona par parsona e dute aduna; ‘l é da aé rispeto par ra regoles e da fei ra variola, anche par chi pi śoen» - el me conta Ghedina su ra so pajina Facebook.