Chesta foto che beton ca pede r’é del 1997, ma par chi de ra Nasa, in America, r’é ancora ades ra foto astronomica del di, ai 8 de dezenbre. Se vede ra cometa Hale-Bopp, tolesta dal śuogo Intrà i Sasc, da ‘l astrofilo anpezan Alessandro Dimai Cascian; ra cometa r’é inze meśo un ziel de steles, intrà ra Dolomites, che ra s’in và, indalonśe da ra Tera, vesc i luoghe pi scondude de ‘l universo. Co ‘l so viaśo ra tornarà danoo del 4.385, ca da nos. Par i sozie de ra Astronomica Cortina chesto premio Apod de ra Nasa ‘l à un valor pi gran, i tocia de inze, inze ‘l cuore, parcé che Alessandro no n’é pi con nos da deboto tre ane, canche ‘l é mancià a i suoi, in ciaśa, a i amighe, a i astrofile de Anpezo, de r’Italia, de duto el mondo.
Deplù te la edizion stampeda dl 16 de dizember.
ABONAMENT 2021 70,00 € por la Talia – INFO aministrazion@lausc.it
ABO E-PAPER https://lausc.it/abonament-e-paper-la-usc-di-ladins
Ra cometa de Alessandro
Un premio de ra Nasa a ‘l anpezan Alessandro Dimai Cascian, par ‘na foto che r’à un grun de anes, ma r’é senpre bela
Galaria retrac
- Ra cometa Hale Bopp veduda da Intrà i Sasc, inze ra fotografia astronomica premiada da ra Nasa. (Foto A.Dimai, (Col Druscie Obs), AAC)
- L astrofilo anpezan Alessandro Dimai Cascian.
View the embedded image gallery online at:
https://www.lausc.it/valedes-ladines/anpezo/18063-ra-cometa-de-alessandro#sigProIdf7c2851f99
https://www.lausc.it/valedes-ladines/anpezo/18063-ra-cometa-de-alessandro#sigProIdf7c2851f99