La Usc di Ladins

Nicoletta Riz l’é na tousa de 19 egn da Cianacei che l’à giusta fat la matura al Liceo linguistich de la Scola Ladina de Fascia e chest istà la se spartesc anter doi, anzi anter trei lurieres, duc tel setor de la comunicazion. Defat la laora a mez temp te la redazion de Fascia de La Usc di Ladins a Sèn Jan e a mez temp a Radio Studio Record a Cianacei, apede chest l’à giusta tacà sia esperienza a la televijion con Finalzil, l program de sport de la TV Ladina. L fil che lea duc trei chisc programes l’é la doura del ladin desche lengaz de comunicazion. Apontin chesta l’é la pascion de Nicoletta, che a scola l’à studià ingleis, todesch e spagnol, ma tel cher l’à semper sie lengaz de la mère.
Veder joegn engaissé, che à gust e voa de se dèr jù te sia comunanza e con l ladin, fèsc dassen na gran legreza. Ge aon dit a Nicoletta che la ge conte a nesc letores coche l’é nasciù e cresciù chest enteress.  

Podede troèr l'articol entriech su La Usc 27 de vender ai 10 de messèl  (Lucia Gross)