La Usc di Ladins

Enstadì Peter Decrestina da Soraga, maester del Coro Nosc, ne à metù en consaputa de na bela neva. Via per cheste ultime dotrei setemane l cor à tacà a emparar dotrei ciantie neve, dute per ladin, ‘inedite’, descheche se disc, scrite belapontin per l Coro Nosc. L autor de cheste ciantie l é Pietro Decrestina, barba de Peter, maester de musega.

Coscita, per n saer de più, son jita fora Palua e te stua de Pietro me é fat contar coche l é nasciù l’idea.

Pietro Decrestina l é del 1945, del 1972 l se à tramudà a Roma, l à studià musega al Pontificio olache l se à diplomà e chel medemo an l à dat i ejames ence al Conservatorie de Sènta Zezilia. L é diplomà en musega corala e direzion de cor e l à l magister en canto gregorian.

Aon domanà fora Pietro Decrestina e sie nez Peter per saer coche la é stata che l se à pissà de scriver cheste neve ciantie per fascian e coche l Coro Nosc l é dò a se endrezar a le emparar ite.

Podede lejer duta l'intervista su La Usc stampèda de vender ai 24 de setember.  (Monica Cigolla)