La Usc di Ladins

L titol l é stat zertificà. Daniel Degiampietro, en art ‘Neos’ l é ofizialmenter ti Guinness di Primac. 

L joen da L Forn, che de november l compesc 25 egn, l à fat na acrobazia dassen ecezionala. Ai 4 de setember, aló dal stadie del saut de Pardac, olache del 2026 sarà ence le garejade de saut di Jeghes Olimpics, l à passà via l record de saut da cet con la roda. N event de gran spessor che ge dasc merit e luster a chest joen che vel far de sia pascion l lurier de sia vita: jir stroz fora per l mond a far evoluzion e acrobazie te evenc de entrategniment.

De più, con duta l'intervista a Daniel Degiampietro, é da poder lejer su La Usc stampèda de vender prum de otober.  (Monica Cigolla)