L braciacol de Moena per don Gianni Damolin

Data

22 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A 40 egn da sia ordenazion l é vegnù de retorn te sie paisc de naa l preve per tor te man la redenes de la parochia de Sèn Vile lascèda da don Enrico Conci.

En domenia ai 17 de otober la comunanza de Moena ge à dat l benvegnù a don Gianni Damolin do aer tanche saludà don Enrico Conci, stat la vida spirituèla del paisc per ben 21 egn. 

Per don Gianni, che da 12 egn l era preve te la parochies de Ravina e Romagnano, l é stat n vegnir de retorn a cèsa percheche el l é nasciù a Moena e per sia jent la bela neva l é stat motif de gran legreza ence perché, vedù la mencianza de preves te la Diozesa de Trent, no se saea avisa se per Moena e L Forn aessa podù ruèr n auter pèster do da don Enrico.

Don Gianni l é stat ordenà del 1981, fin del 1986 l é stat capelan a Cles e fin del ’89 a Pardac, dapò fin al ’95 l à tout su la parochia de Martignano e dal ’96 l é stat miscionarie tel Ciad per ben 10 egn, fin del 2006. Te chel lech n muie dalonc l à vivù sacotanta esperienzes e concostà na gran richeza umèna e spirituèla che à fat più de spessor sie servije. Do esser vegnù de retorn l é stat preve per 3 egn a Roveredo e dal 2009 enscin ades l se à cruzià de la parochies de Ravina e Romagnano.

De più su la giornèda de benvegnù su La Usc stampèda de vender ai 22 de otober.  (Cristina Marchetti)