»Son dalbon content de festejèr chisc 45 egn de pascion e soraldut de esser endò ‘sun ciamp de jech’. Per problemes de sanità é cognù passèr n muie de meisc dalonc da chiò, ma mie pensier, mie cher i era semper con mia familia e col Fascia Balon: co la squadres, coi bec, coi arcedadores e col diretif. Duc i me é stac apede te chest temp senester… L balon, che pascion. É semper cherdù tel sport de squadra, strument fora de mesura per crescer, per l’autostima e per la socialisazion.« À bastà pecia paroles per ge fèr vegnir a duc i eies lustres. L president, l presidentiscim descheche i ge disc, Gualtiero Walter Ghetta te anter si jiadores per festejèr i 45 egn del Fascia Balon. Na legreza che i à palesà de n muie en vender ai 19 de mé te Oratorie de Poza.
De più su La Usc stampèda de vender ai 26 de mé. (Monica Cigolla)
Fascia Balon, 45 egn de emozions sul ciamp e ti cheres
La sociazion sportiva à metù ensema per l’ocajion n filmat e n liber, nasciui da na idea de Patrizio Cigolla. Te Oratorie de Poza n muie de amisc se à strent dintorn al president Walter Ghetta e al diretif.
Galaria retrac
View the embedded image gallery online at:
https://www.lausc.it/valedes-ladines/fascia/23748-fascia-balon-45-egn-de-emozions-sul-ciamp-e-ti-cheres#sigProIdb02cd795d5
https://www.lausc.it/valedes-ladines/fascia/23748-fascia-balon-45-egn-de-emozions-sul-ciamp-e-ti-cheres#sigProIdb02cd795d5