L codejel, scrit da Sabrina Riz, é stat prejentà te Ciasa de la Moniaria a Sèn Jan en jebia ai 13 de jugn.
L conseier de procura a la cultura Amedeo Valentini te sie salut dantfora l à uzà fora la valuta de chesta colana. Do l ‘Codejel de bona creanza per jir sa mont’, l codejel ‘L bosch e i cinch sensc’ e l ‘Codejel de bona creanza per respetèr l ambient’ ades l é a la leta ence chel che revèrda la coltivazion e l ort de cèsa: n manual gustegol per scomenzèr via n ort tel post che se à a la leta. Valentini à rengrazià Sabrina Riz che l’à tout su l’endesfida de meter ensema chesta publicazion che vegnarà data fora te la boteighes de ortames de la val, e Giuditta Soraperra che à fat la grafica de chest quarto numer ge jan do a la linea de la colana. »Chest libret l à contegnui dassen n muie concrec e de utol ence per chi che sà jà se fèr n ort« à dit l conseier Valentini. (Monica Cigolla)
Co se fèr n ort a na vida ecocompatibola
L é stat prejentà l quarto codejel metù ensema da Sabrina Riz di Servijes linguistics e culturèi del Comun General.
Galaria retrac
View the embedded image gallery online at:
https://www.lausc.it/valedes-ladines/fascia/27390-co-se-fer-n-ort-a-na-vida-ecocompatibola#sigProId4a2bd85dc9
https://www.lausc.it/valedes-ladines/fascia/27390-co-se-fer-n-ort-a-na-vida-ecocompatibola#sigProId4a2bd85dc9