La presidënta dla Lia Guanc dala Gherdëina, Patrizia Crepaz, à sëurantëut cun gran plajëi chësta scincunda dal artist Peter Kostner. Aldò de Crepaz se tràtel de na scultura de gran valor che reprejënta na troht che ie povester jita mpue a mancë ti ani passei. Cie che la miena n chël cont pòssen liejer tl articul a pert, tla trëi dumandes ala presidënta. Nce l ambolt de Urtijëi à ulù lecurdé la mpurtanza dla trohtes y ti à fat i cumplimënc a Kostner per chësta bela scincunda. "Povester nes rendons datrai nia cont ce fertuna che on a avëi chësta doi gran tradizions, l ziplé y nosc guanc dala gherdëina». La trëi ëiles zipledes a man à abinà si lerch sun n pudest de fier, dan la sala dla lies su sotët dla Cësa de Cultura Luis Trenker.
SPM
Dut l articul tla edizion atuela de La Usc di Ladins.
Na scultura de Peter Kostner per la Lia Guanc dala Gherdëina
Pra na pitla festa à l scultëur Peter Kostner de Urtijëi ulù sëurandé na scincunda de gran valor ala Lia Guanc dala Gherdëina. L se trata de na scultura de trëi ëiles cun la troht, plu avisa, cun la cazina, guant dala gherdëina cun na gran tradizion
Galaria retrac
View the embedded image gallery online at:
https://www.lausc.it/valedes-ladines/gherdeina/27980-na-scultura-de-peter-kostner-per-la-lia-guanc-dala-gherdeina#sigProIdf7f416bac4
https://www.lausc.it/valedes-ladines/gherdeina/27980-na-scultura-de-peter-kostner-per-la-lia-guanc-dala-gherdeina#sigProIdf7f416bac4
