La Usc di Ladins

Paziënza, costanza, dediziun y empatia. Chëstes é ma n valgönes dles cosses che ó ester sce an se tol dant da tó sö n tier da ciasa. Deache i tiers, sciöche nos porsones, á so carater y porchël messará le patrun se arjigné al cambiamënt che n cian o n iat portará ite, te ciasa y tla vita. Chësc é n pinsier che an mëss se fá danfora, deache n cian n'é nia n jüch, al é na creatöra che á debojëgn de cures y atenziuns. Y sce an n'é nia bugn da les garantí, spo desson renunzié.
I iac é tiers plü autonoms y ci che an mëss i insigné jö da fá é dantadöt i debojëgns alaleria o te na scatora injignada aposta. N cian indere se damana plü n gran impëgn da pert dl patrun. I cians é compagns de vita; ai pó vire te ciasa cun i patruns, ai vëgn portá a spazier, al bar y tres deplü ince en vacanza. Y por che n cian pois vire adöm cun so patrun – ince fora de ciasa – ól ester regoles che le cian pó imparé a scora. Ci mësson pa döt cant savëi y fá denanco tó sö n cian? I n'ún baié cun l'istrutur de cians da La Ila, Alessandro Ploner.

Deplü podëise lí tla ediziun stampada da en vëndres ai 24 de setëmber.   (kp)