La Usc di Ladins

Le fat é sozedü chësc lönesc ai 19 de forá incër les döes domisdé. N ël da Rina, ann 1969, ê tl laur da lauré te bosch nia dalunc da Grones, canche al ti é sozedü n bur’ inzidënt, olache al é romagnü bindebó ferí. L’ël ê bonamënter dassú y ciafé l’á süa möta, che á ince atira fat alarm. Söl post él spo defata rové le socurs dla Verda de Finanza, sciöche ince i socoridus dl Aiüt Alpin da San Martin/Antermëia y le joler dl Aiüt Alpin, insciö che an ti á pité al ferí les prömes cures. Por pité le suport eventual cun massaries y atrezadöres él gnü alarmé ala per i stödafüch da Rina, Al Plan y Mantëna Todëscia. Sön la dinamica plü avisa de chësc inzidënt inrësc ciamó la Verda de Finanza. Por les condiziuns zities é l’ël gnü joré tl ospedal da Balsan. A d’ël les mius aodanzes che le sozedü pois avëi n bun fin.  (pablo)