La Usc di Ladins

Cun la vernissaja da en vëndres dan otedé, á metü man tl Istitut Ladin a San Martin le cërtl de mostres da d’isté, olache artistes y artisć dl post ciafa l’ocajiun da mëte fora sües operes. La daurida dla mostra de Jutta Valentini d’Al Plan é stada na premiera de vigni vers, él pö le pröm iade che ara mët fora publicamënter sü laurs, scebëgn che ara dessëgna y depënj bele da picera insö. "Le pröm recort chi á é n dessëgn", me dijera canche i la damani co che so raport cun la ert o le dessëgn á metü man.
Tratan la daurida ára lascé cuché ite te süa pasciun y süa ert, tres n dialogh–intervista cun l’artista Irina Tavella. La mostra é da odëi fina ai 2 de jügn, vigni de dales 10:00 ales 12:00 y dales 15:00 ales 18:00.

Deplü sön la vernissaja podëise lí y odëi t’La Usc di Ladins dl 31 de ma  (pablo)