La Usc di Ladins

Dotours
Dutor Gherdëina
L dutor de servisc da n sada ai 25.02. dala 08:00 daduman nchin la 08:00 daduman de n lunesc ai 27.02. ie l dutor Simon Kostner de Sëlva, tel. 347 2297492
Doturs Val Badia
Le dotur en sorvisc tla fin dl’edema di 25 y 26 de forá, ti comuns de Badia, Corvara y La Val, é le dotur Martin Spechtenhauser, La Ila, tel. 0471 844200. Ti comuns de Mareo y San Martin él en sorvisc le dotur Eduard Agreiter, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 24.02. nchin n vënderdi ai 03.03. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 24 de forá dales 19:00 al vëndres ai 3 de merz ales 19:00, é chëra d’Al Plan, tel. 0474 501240.

Temp Lede
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.
28.02.
San Ciascian: domisdé te paisc
Tl zënter da San Ciascian él valgügn eserzizi dl post che dá fora vigni mertesc domisdé val’ da bëre y da mangé. Al ne mancia nia musiga dal ví, dales 16:00 ales 19:00.
28.02.
Cun la gücia da sëra
En mertesc ai 28 de forá pón se fá na roda cun la gücia da sëra, do le Tru di Artisć anter La Ila y San Ciascian. An pëia da Altin demez dales 20:45 y sön tru podarán amiré les operes de artisć ladins ilominades. Prenotaziuns ti ofizi turistics dl’Alta Badia o online.
01.03.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. An adora le schipas de plü dis.
01. y 02.03
Nos Ladins cun Daniel y Ingo
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Al 1. de merz dales 17:30 pón odëi sciöche al vëgn arjigné ca les pistes cun le iat dala nëi, adöm cun Daniel a Corvara. Ai 02.03. pón jí cun les pels a ciaré le lové dl sorëdl adöm cun Ingo, y se gode dedô n bun gosté. Infos y prenotaziuns ti ofizi turistics dl’Alta Badia o sön www.altabadia.org.
02.03.
Skishow dla Scola de Schi Saslong
La Scola de Schi Saslong nvieia de cuer ala edizion da chëst ann dl »Snow & Fire« (nëif y fuech), na prejentazion sun i schi drët particulera, ai 02.03. dala 18.15 inant sun l purtoi da Palmer a Urtijëi. Da dedò puderàn mo sté deberieda y s’la ciaculé pra n bon got de vin cuet.
02.03.
Spetacul dla scora de schi
La scora de schi da La Ila y la scora de schi »Dolomites« mët a jí n spetacul sön la nëi, en jöbia ai 2 de merz dales 21:00, sön la pista »Doninz«. Al sará i maestri de schi dles döes scores che porta dant de vigni sort de esibiziuns y ince le grup »Pirates Freestyle Team« tol pert al spetacul.
02.03.
Descurí le monn dl biatlon
En jöbia ai 2 de merz án la poscibilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia o sön www.altabadia.org
02.03.
Bun de Gran Risa
En jöbia ai 2 de merz vëgnel tigní a La Ila le pröm apunta­mënt de »Bun de Gran Risa«. Te chësta ocajiun pón jí cui schi sön la Gran Risa bele dales 6:55 da doman, adöm cun i maestri de schi, y porvé da gní jö por n percurs de gigant, sciöche pro na gara de Copa dl monn. Dedô pón se gode n bun gosté tla ütia »Club Moritzino«. Prenota­ziuns sön www.altabadia.org o ti ofizi turistics.
03.03.
Storia de 15 menuc y pastelné
N vënderdi ai 3 de merz dala 15:00. L unirà liet na storia curta tla biblioteca de San Durich a Urtijëi. Da dedò puderàn mo pastelné de bela roba cun Lisa.
08.03.
Dolomites Dirndl Ski Day
Gherdëina festejea l di mun­diel dl’ëila ai 08.03. cun na manifestazion sportiva sun Secëda: l Dolomites Dirndl Ski Day. L’iscrizions vën tëutes su tla Lia dl Turism de Urtijëi, da paië iel 50€.

Sport
Atualmenter
Gares de brea sun Sèn Pelegrin
Dai 26 de firé ai 4 de mèrz sul portoi Paradiso sun Sèn Pelegrin vegn endrezà la finèles de para snowboardcross che à valuta per la Copa del Mond e la Copa Europa.
10-12.03.
Scufoneda
Dai 10 ai 12 de mèrz i Scufon del Cogo endreza la 26^ edizion de la Scufoneda con raides, escurscions, momenc de festa e la neva de chest an che sarà la schièda sul portoi Zirmes e la fradaa coi cheghes de la Valtellina.

Radio
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
24.02.
Da generazion a generazion: Goti Senoner da Puzè y si mut Markus
Te chësta trasmiscion »Da gene­ra­­zion a generazion« conta Goti y Markus de si lëur da ele­tricher, de coche ëi à scu­men­cià cun chësc mestier y d’uni sort de curiëusiteies. Tra­smiscion de Alex Rung­galdier.
26.02.
La mujiga de S. Cristina si »viac ntëur al mond«
Pra l cunzert de S. Zezilia à la mujiga de S.Cristina lascià audì na gran variazion de pec y à tëut pea l publich sun n viac musichel ntëur al mond. Trasmiscion de Georg Mus­sner.
25.02.
»David cuntra Golia: movimënc de resistënza cuntra la costruziun de dighes
Dales 19:05. Tratan la trasmi­sciun gnarál cunté di movi­mënc d’oposiziun ala costru­ziun de de gragn proiec idroeletrics. Program de Iris Del Valle.
28.02.
Pest internazionèl »Tacita Muta«
Dales 13:45 – 14:00. N ocajion del Dì internazionèl del lengaz mère ai 21 de firé a Roma vegn sport l pest leterèr inter­na­zionèl »Tacita Muta« per la mendranzes de lengaz. Tel 2022 l pest aessa cognù esser sorandat a la dotora Rut Ber­nardi ma per via de la restri­zions de la pandemìa la festa é vegnuda sburlèda a chest an olache vegn adum l pest del 2023 sorandat a Antonello Colledanchise per l’alghereisc -catalan. Del valor de chest pest e de coche é jita la festa en rejonon con Rut Bernardi, conduzion Anna Mazzel.
01.03.
Inovaziun tl design y inrescida de modei educatifs nüs
Dales 13:45 – 14:00. Gerda Videsott, coordinëia le Master de Design por mituns y mitans tl’Université de Grafica y Ert da Balsan. De ci che ara nen vá tl menü, podëise descurí te chësc program. Program de Sara Frenner.
01.03.
L’albergatore futur-abile
Dales 19:05. Co à pa da esser l’hotelier tel davegnir? Coluna eles pa la endesfides per l davegnir ? Co ruèr a viver delvers e rejer l stress di turisc’, personal e capital? Cheses l é valguna domandes che se dejouc tel liber »L’albergatore futur-abile, da venditore di posti letto a creatore di emo­zioni« de Guglielmo Lasagna che da si esperienza personèla sporc n codejel con idees pratiches e concretes. Program de Anna Mazzel.
02.03.
I corusc cialc: cöce, ghel, arance, rosa y ros
Dales 19:05. I corusc baia, ai comunichëia tl’ert, insciö sciöche ince tla liturgia y tla psicologia. Te chësc program ti ciarunse tl menü ai corusc cialc, tres la usc de n prou, de na psicologa y de n artist. Program de Sara Frenner.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
28.02.
S-Link: n saut tel mondi digitèl – Impianc portamont hi-tech
Dales 20:50 ca. La transizion digitèla l é chela lingia de mudamenc tecnologics – ma ence culturèi e sozièi–che à desche obietif chel de sporjer servijes inovatives e efizienc te più ciampes tras la doura de sistemes digitèi. Tropes l é i setores olache anchecondì vegn metui en esser chisc mu­da­menc; sui impianc porta­mont per ejempie vegn fat de gregn investimenc te l’hi-tech e l é egn che se laora avisa per fèr a na vida che l livel tecno­logich l sie semper più aut. Program de Cinzia Pistoia, a cura de Anna Mazzel.
01.03.
Deboriada: Mè la piza dl iceberg
Dales 20:50 ca. Deventé n sportif profescionist i n sëmi che catidlea l cë de truep jëuni. Ambizin suvënz nurida dala proiezions di social media che depënj i sportives coche gladi­atëures moderns, lascian mé udëi la bela pert de chësc lëur. Ma chësta ie mé la piza dl iceberg. Do l suzes di sportives se ascuend suvënz na vita plëina de renunzies y de sacri­fizies. Leprò muessen nce avëi fertuna y chëla tl drë’ mumënt. Program y cunzet: Ivan Senoner, tai: Georg Penn, a cura de: Leo Senoner.
02.03.
Scenar ert y cultura: Katiuscia Rasom – Alfons Runggaldier
Dales 20:50 ca. Katiuscia Rasom mudelea la mauta da buchei y l’arjila che la tol ora da chëla che ëila la tlama l’oma tiera. Si criazions zerileiela cun simbuli arcais che lecorda la cultura presitorica te nosc raions. Uniuna de si scudela à zeche de unich te sé, fata dala mans lezitëntes de katiuscia, che deberieda a si uem a metù su n studio criatif ulache l inuem ie dut n program: »Kreides«. Metù man ova Alfons Runggaldier cun l ziplé ert sacrela, ma la flessibiltà de si pensier l à purtà tl prim a la nterpreté a na maniera desfrënta, pona a jì defin d’autra stredes. Te si berstot tafleda dla fin dl’800 nes contel dla legrëza che l à per si mestier y dla mpurtanza de cialé for inant. Program y cunzet: Ivan Senoner, tai: Hans Peter Karbon, a cura de: Leo Senoner.

Chino
Atualmenter
Al chino de Cianacei
Anché, vender ai 24 de firé da les 17:00 se pel veder »Argonuts-Missione Olimpo« che é en program da la medema ora ence en sabeda ai 25 e en mèrtesc ai 28. Insnet vender da les 21:15 e en domenia ai 26 da les 17:00 enveze se pel veder »Ant-Man and the Wasp: Quantumania«. En sabeda ai 25 da les 21:15 l é en program »Non così vicino« che se podarà veder da la medema ora ence en domenia ai 26 e en mèrtesc ai 28 de firé.
Atualmenter
Al chino de Tieser
Anché, vender ai 24 de firé da les 21:15 se pel veder »Spiriti dell’isola« che l é en program ence en domenia ai 26 da les 20:30; semper en domenia ai 26, da les 17:00 l é en program »Ant-Man and the Wasp: Quantumania«, en jebia ai 2 de mèrz da les 21:15 »L’ombra di Caravaggio« e en vener ai 3 semper da les 21:15 »TAR«.

Avisc
Atualmenter
Selezion per assistenc aministratives te Fascia
L Comun General de Fascia met a jir na selezion publica per fèr na graduatoria de assistenc aministratives da poder tor su. I enteressé cogn fèr domana de amiscion a la selezion dant da les 12 de en lunesc ai 6 de mèrz del 2023. Duta la informazions é sul sit: www.comungeneral defascia.tn.it.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Iscriziuns ala scora de musiga por l’ann ann de scora 2023/2024 – online
Les scores de musiga todësces y ladines deura les iscriziuns por le proscim ann de scora dal 01.03. ai 31.03.2023. Les iscriziuns vëgn fates ince chësc ann online, tres le sorvisc dl’aministraziun provinziala »myCivis« https://civis.bz.it/einschreibung-musikschule. L’azes al sorvisc vá tres SPID, CIE (cherta d’identité eletro­nica) o cun la Cherta di sorvisc ativada. Infos sön www.musik schule.it .
Atualmenter
Marcià de roba durèda
Va inant enscin en mèrtesc ai 28 de firé te Oratiroe de Poza l marcià de roba durèda. Se pel portèr roba durèda neta e amò bona o jir a se chierir fora zeche te chisc oraries: ne mèrtesc e mercol da les 14:30 a les 17:30 e de jebia e vender da les 20:00 a les 22:00. Chel che vegn ite va per scomenzadives de solidarietà de la parochia.
Atualmenter
Regoeta bonaman per teremot Siria
L Grop Miscionarie Freina­demetz tol su bonamans per la popolazion de la Siria vitima del teremot. Chel che vegn su sarà destinà ai maores besegnes travers la Custodia di Terra Santa reta dal fran­cescan trentin P. Francesco Patton. Se pel manèr bona­mans sul cont del Grop con causala Vittime terremoto Siria. IBAN: IT85 V08140 35270 000004036649
26.02
Radunanza Coprativa Ciampedel
Do la radunanzes de l’autra Copratives de Fascia, ence la Coprativa de Ciampedel chiama ite si sozi per l’aproa­zion del bilanz e i etres adem­pi­­menc, en domenia ai 26 de firé da les 15:00 te PalaDolo­mites a Ciampestrin.
27.02.
Scontrèda coi genitores a Cianacei
La Coprativa sozièla INOUT endrezarà chest istà 2023 l’ativitèdes da d’istà per i bec dai 6 ai 11 egn ti Comuns de la Val de Sora. Per prejentèr i animatores e la scomenza­dives vegn endrezà na scontrè­da publica coi genitores en lunesc ai 27 de firé da les 18:00 te sala de Consei de Comun de Cianacei olache venarà dat fora ence i formulères per l’iscrizion.
27.02.
I dis de educazion politica ie dan porta
Ntan chisc dis ie urgani­sazions, lies y istituc de furma­zion, nviei a mëter a jì na mani­festazion per la furma­zion politica. L argumënt de chëst ann ie »Te ti ciauzei«. Duc ie de cuer nviei a mandé ite si prupostes y ideies per e-mail a furmazion.gh@micura.it, nchin ai 27 de fauré.
04.03.
Cors per volontères de auto mutuo aiut
La sociazion A.M.A. endreza n cors per chi che vel se arvejinèr al mond del auto mutuo aiut e a la promozion del benesser de sia comunanza. L cors é en sabeda ai 4 de mèrz da les 9:00 a les 17:30 lo da la senta de la sociazion A.M.A, strèda Taramelli a Trent. Iscrizions dant dai 28 de firé al 0461 239640.
06.-09.03.
Sakl: iscrizions
L proiet per l instà Sakl, per mutons y mutans dl 2008-2011, vën metù a jÌ dala Nëus Jëuni Gherdëina, dai 03.07. nchin ai 31.08. L orar depënd da ena a ena. La iscrizions possa unì fates tres mail, a Urtijëi ai 08.03., a Runcadic ai 09.03., a S. Cristina ai 07.03. y te Sëlva ai 06.03., for dala 07:00 inant. Nfurmazions plu avisa sun www.njg.it.
07.03.
Instà tl Bosch: iscrizions
L proiet per l instà Instà tl Bosch, per mutons y mutans dl 2016-2020, vën metù a jì dala Scolina tl Bosch, dai 10.07. nchin ai 06.08. dala 07:45-12:30. La iscrizions possa unì fates tres mail ai 07.03. Nfurmazions plu avisa sun www.canalescuola.it
27.-29.03.
Pavël: iscrizions
L proiet per l instà Pavël, per mutons y mutans dl 2012–2019, vën metù a ji dal VKE deberieda ai Chemuns, dai 03.07. nchin ai 18.08. dala 07:30–14:30 y un n di nchin la 15:30. La iscrizions possa unì fates tres l portal VKE dai 27.03 nchin ai 29.03. dala 07:00 inant. Nfurmazions plu avisa scrijan a matada@vke.it.
19.04.
Instà Vif – iscrizions
L proiet per l instà Instà Vif, per mutons y mutans dl 2009–2016, vën metù a ji dai Chemuns de Gherdëina cun cin’ lies (c. articul a pl. 22), dai 26.06. nchin ai 25.08. dala 08:30-12:30 o dala 13:30-17:30. La iscrizions possa unì fates pra uni lia ai 19.04. dala 07:30 inant. Nfurmazions plu avisa sun www.chemun.urtijei.bz.it

Mostres y Ert
Atualmënter
Wilhelm Senoner te Tublà da Nives
La mostra de Wilhelm Seno­ner sarà da udëi nchin ai 26 de fauré, uni di ora che l lunesc, dala 15:00 nchin la 19:00; de sada y de dumënia sarà l artist nstës prejënt.
Atualmënter
Corvara: Mostra »Dolomites y la nëi«
L’artista Silvia Nava mët fora sü chedri dles Dolomites depënc cun corusc a ega, sot al titul »Dolomiti e la neve«, tl salf dles manifestaziuns a Corvara. La mostra é daverta fina ai 26 de forá, dales 16:00 ales 19:00.
Atualmënter
Mostra: »Estasa dl udëi«
La mostra culetiva »Estasi dl udëi« tla galaria Vijion a Punti­ves resterà davierta nchin ai 25 de merz, dal lunesc nchin la sada danter la 16:00 y la 19:00. L sarà da udëi opres di artisć y dla artistes Rabeah Mashinchi, Johannes Bauer, Hermann Nitsch, Cornelia Lochmann, Andrea M. Varesco, Thaddäus Salcher, Michael Grebner y Rinaudo Nahuel.

Teater
Atualmenter
Teater a Tieser
Al chino de Tieser en sabeda ai 25 de firé da les 20:45 la filodramatica L. Deflorian de Tieser spilenea la comedia »Tuti ‘n terapia« e en mercol prum de mèrz da les 21:00 pea via la sajon de teater con »Smanie per la villeggiatura« de Carlo Goldoni.

Mujiga
Atualmenter
Dolomiti Ski Jazz
Dai 3 ai 12 de mèrz vegn endrezà l 25° Dolomiti Ski Jazz con desvalives conzerc sa mont e ti paijes de musega jazz, funk e black music. En domenia ai 5 de mèrz te Museo Ladin de Fascia da les 21:00 l é l conzert de Jeanruaz Group con Jean Daniel Granruaz, Francesco Dallago e Loris Dallago.

Religion
11.03.
Badia: preparaziun dl Bato
I geniturs che á n viadú da batié, pers che aspeta, toc y totes dl Decanat Val Badia, é bel inviá ala preparaziun dl Bato, en sabeda ai 11 de merz dales 15:00 ales 17:00, tla Ciasa J. B. Runcher a Badia. Dedô pice renfrësch arjigné ca dala Uniun dles Ëres de Badia. Prenotaziuns al 334 3200396.

Cursc
28.02.
La Ila: curs de minivolley
La US La Ila organisëia n curs de minivolley por mitans y mituns dla 3a, 4a y 5a ele­men­tara. Le curs vá dai 28 de forá cina ai 4 d’aurí, vigni mertesc y vëndres dales 18:30 ales 19:30, te palestra grana da La Ila. Infos y iscriziuns pro Isabel Agreiter al 349 3891376 (telefoné o whatsapp). I posć é limitá.
13.03.
Curs de ginastica dai 60 ani insù
L KVW Urtijëi mët a ji n curs de pilates per chëi:les sëura i 60 ani. L se trata de ginastica lesiera per renfurzé corp y musculatura. L curs mët man ai 13.03. y va inant per 8 sëires, for de lunesc dala 19:30 nchin la 20:30. La iscrizions vën tëutes su tla Butëiga dl Mond a Urtijëi dai 6 de merz inant. L priesc ie de 60,00 euro.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Ba­dia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
Atualmënter
Solidarieté por medefüch
Al 31.01. él vardü jö a Mühl­wald la majun dl Lärcheg­gerhof de Holzer Ferdinand, che á ince lauré tröc agn a Corvara, sciöche paur dl lüch de Alfred Pescosta dl Pifania. Tl medefüch ál pordü so avëi y süa esistënza vëgn metüda dassënn ala proa. Al vëgn coiü adöm spënores por le daidé mëte man danü. Chëstes pón fá söl cunt dla Cassa Raiffeisen da Türesc, IBAN IT12C 0828558270 00030 4224001