La Usc di Ladins

En sabeda ai 11 de setëmber él gnü metü da jí la secunda ediziun dl torné »Trá l putt Golf Cup«. La competiziun é gnüda inviada ia dal grup di jogn da Calfosch y Corvara, te na forma speziala ponsada propi por trá ite y promöie le sport dl golf danter i jogn. Insciö ê les scuadres metüdes adöm da n sogadú y da na porsona che n'â mai soghé a golf. Cina che an röia pro la büja, él le sogadú che mëss trá; canche an röia tl »green« tochera a chël che n'é nia espert, che mëss tó tla man le »putter«, la maza che vëgn adorada por mëte la cogora tla büja. Dal inom dla maza vëgnel l'inom dl torné: trá l »putt«. L'iniziativa á dër plajü y dess ester n punt de uniun danter i jogn, le sport y la natöra.

Le

• Premiaziun dl torné di jogn: (in pe dmc) Michele Di Berardino, Ermes Costa, Ingo Steinmann, Peter Pescollderung, Daniele Dalponte, Maurizio Di Berardino, Aaron Planatscher, Dominik Agreiter, Alexa Alfreider y Nora Planatscher. (dancá dmc) Claudio Tiezza, Renate Pescosta, Vera Costa, Mattia Davare, Martin Frenademez.
• I maestri de schi che á soghé a golf: (in pe dmc) Carlo Planatscher, Carlo Comploi, Mares Marco, Stefano Zingerle, Peter Pescollderung, Nora Planatscher, Silvio Miribung, Flavio Prinoth y Tomas Deiaco; (dancá dmc) Sergio Tiezza, Christian Altonn, Mattia Davare, Christian Coppola y Patrick Agreiter.
•  

View the embedded image gallery online at:
https://www.lausc.it/sport/17064-jogn-y-maestri-de-schi-soga-a-golf#sigProIdbb471cdd40

torné di maestri de schi 
En domënia ai 12 de setëmber á i maestri de schi da Corvara organisé n torné. de golf. Al ê ince preodü na classifica a scuadres, che premiâ la miú scora de schi. I amanc dl golf se á abiné sön le ciamp cun n beliscimo tëmp, che ti á conzedü de se gode les 18 büjes de competiziun. »I podun ester veramënter contënc da avëi n te' ciamp, a ponsé che i sun a 1.700 m«, á recordé le presidënt dl Golf Club Alta Badia Sergio Tiezza tratan la premiaziun. »Al é sté n bun pröm esperimënt do da n valgügn agn che le torné di maestri de schi ne gnô nia plü fat«, á dit Thomas Deiaco, diretur dla Scora de Schi da Corvara, che á spo alzé fora inant: »Al é dessigü na bela oportunité por la Scora de Schi da se mëte en mostra tratan i mëisc da d’isté, ince ti proscimi agn”. La Scora de Schi da Calfosch á davagné le trofé dles scores de schi cun les bunes prestaziuns de Peter Pescollderung, Christian Alton y Giacomo Erlacher.

Les classifiches podëise lí sön La Usc di Ladins che vëgn fora en vëndres ai 17 de setëmber y sön la plata internet dl Golf Club Alta Badia.   (Mattia Davare )