La Usc di Ladins

L é nasciù jai dotrei egn a Poza, l Trial Bike Dolomites, ‘da na costa’ de Rode a motor. La doi sociazions seghita a colaborèr ma Lorenzo Pezzei Mongo à zedù la redenes de chela oramai storica de trial co la moto per portèr inant la pèrt dedichèda ai più picoi e joegn e a la rodes zenza motor.

L Trial Bike Dolomites l à na chindejina de scric ite, dai 5 ai 17 egn. Pel someèr n jech n muie atratif, ma l domana gran empegn. 

"Ge vel aer pascion – disc Lorenzo Pezzei – percheche no l é sobito fat a emparar. La roda da trial la é duta particolara e ence se se sà jir co la roda no l é sorì al scomenz, ma l é n bel sport, de equilibrie e concentrazion, ge vel emparar a portar l peis aldò de co che l é l ostacol."

Ai 4 de setember l Trial Bike Dolomites l à endrezà a Poza la 6^ proa de Copa Tèlia de bike trial ensema con la Federazion talièna de rodes. L é stat la pruma outa de na competizion de chest livel e l ejit l é stat n muie bon, coi complimenc di partezipanc per dut l endrez.

Podede lejer de più ence sui partezipanc facegn su La Usc stampèda de vender ai 9 de setember.  (Lucia Gross)