Radio Studio Record per la jent

Data

06 de auril 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
»Jirà dut ben!« ne fèsc compagnìa fora per chesta setemènes de carantena.

A cajon del Coronavirus, la firmes de noscia Val les à cognù fermèr sia atività.

L’emergenza sanitèra à portà mudamenc ence per Radio Studio Record. Un di programes più da nonzech en direta, portà dant da Biancarosa »L’Aperitivo«, de fat, à cognù se fermèr. L’é vegnù a mencèr l’apuntament olache duc chi che volea podea manèr na dedica a n sie pecont.

Per desmostrèr sia vejinanza a la comunanza, Radio Studio Record à dezedù de endrezèr n nef program, per tirèr ite la jent.

L’é scomenzà apontin en lunesc ai 30 de mèrz »Jirà dut ben!« en direta.

Da les 14:30 fin les 15:30, dal lunesc al vender, fora per chesta setemènes de carantena, la ousc de Francesco Mazzel ve farà compagnìa. Vigniun pel tor pèrt a chest program tras na telefonèda: se podarà saludèr n amich, se fèr doi grignedes ensema, rengrazièr zachei e rejonèr de n argoment de atualità.

Duc chi che vel tor pèrt, pel telefonèr al 0462 602497 endèna l program e se podarà rejonèr live.

 (Nicoletta Riz)