La Usc di Ladins

Cun le bilanz de assestamënt 2019 á le ciamp dla scolina/scora y cultura ladina ciafé lapró n import total de 465.000 euro. "Chëstes ressurses ajuntives á na gran importanza por döta nosta comunité ladina, deache al pó gní realisé de plü proiec tles scolines y scores, mo ince tl setur dla promoziun di jogn y tl ciamp", á dit l’assessur por la scora y cultura ladina Daniel Alfreider. Promöie le svilup dles tecnologies digitales, le lauré pratich y dl mangé sann é priorités por nostes scolines y scores, sön chëres che i laorun inant dassën – insciö Alfreider. 

Deplü tla ediziun de La Usc di Ladins da en vëndres che vëgn!

Söl retrat: Por la restrotoraziun dla ciasa dla jonëza sön Börz, che é un di proiec prinzipai tl ciamp dla cultura y di jogn, él gnü metü a desposiziun n finanziamënt de 100.000,00 euro. (foto: ajentöra stampa provinziala/intendënza ladina)