N juebia de chëst’ena passeda à la SVP de Sëlva, cun a cë si sëurastant dl luech, Christoph Perathoner, metù a jì na sëira cun l’assessëura provinziela Maria Hochgruber Kuenzer dal titul »Heimat Landschaft Raum«. Truep zitadins de duta la valeda se à tëut dl’aurela per jì a scuté su la nuviteies n con’ dla lege urbanistica provinziela
Do la paroles danora dl sëurastant SVP dl raion de Bulsan Christoph Perathoner, che ti à purtà plu daujin a chëi che scutova su l iter de coche na lege vën a se l dé iesen tosc jic inant cun l’assessëura Kuenzer.
La lege urbanistica provinziela nueva fova bele unida scrita dal vedl cunsëi provinziel, ma sce de regula va na lege nueva n droa te 15 dis po ala chëst iede durà scialdi plu giut. Udù dant iel che la regules nueves per chël che à da n fé cun l frabiché valerà permò cun l scumenciamënt ...

L vën scialdi rujenà de ambient y de defendura dla natura, povester plu che mei dant. Nce a livel de Chemun pròven for inant de fé velch de chësc viers, nsci àn – cun l scumenciamënt de chësta aministrazion cumenela – metù su a Urtijëi n »Energy Team«
Chësc Energy Team ie na grupa de lëur nasciuda tres l proiet “Chemun tlima“, che va ora dal Ecoinstitut provinziel, che da si pert mët a despusizion nce n espert sciche cunsulënt. Tl Energy Team, cun la doi reprejentantes de chemun Sara Stuflesser y Lara Moroder, iel unì tëut ite nce zitadins nteressei a se fé pensieres de viers dl ambient y a judé pea. Trëi grupes iel tl Energy
Team y uniuna lëura sun n ciamp defrënt. N se dà ju per ejëmpl cun la mubltà, l’energia y l tò y tres l refudam, l ...

Daujin da cincanta altec de Gherdëina, che se à fat unëur a livel naziunel y nternaziunel ti ultimi doi ani, àn pudù premië n sada te Sëlva n ucajion dla Festa dl Sport. Leprò àn nce ulù auzé ora l merit de n valgun trainadëures che lëura bele da truep ani incà y à nsci lascià na piedia sota te chëla disciplina sportiva
Chësta Festa dl Sport ie unida metuda a jì dai trëi Chemuns de Gherdëina cun si assessëures per l sport y l reprejentant dla frazions ladines de Ciastel. La festa vën bele metuda a jì da plu ani incà a livel de valeda y dëssa vester na pitla recunescënza ai sportifs che se à fat merit, ma nce al muvimënt generel dl sport te Gherdëina cun si trainadëures, respunsabli, assistënc y duc chëi che juda pea.

Deplù saràl da liejer tla Usc stampeda.

Proiet per la defendura dl’aria y dl ambient dl Chemun de Urtijëi deberieda cun la Scola Mesana de Urtijëi
A nëus sculeies dla Scola Mesana de Urtijëi nes sta la defendura dl’aria y dl ambient da stramp a cuer. Via per l ann ons rujenà plu suënz te scola dl mudamënt tlimatich y de si cunseguënzes per nosc planët y per la persones. Se on tëut dant de mudé zeche te nosta maniera de viver per stravardé nosc mond y cun la ideies y prupostes che lauron ora, ulons sensiblisé la jënt a pensé do y fé zeche de cuncret per nosta aria y per nosc ambient.
Dl proiet cun na ntervista ala cunseliera per l ambient ...

Tla Lia Guanc dala gherdëina se abìnel adum na lingia de nteressei a tenì su la tradizion de se furnì cun la bela troht de Gherdëina y fé pea pra defiledes, manifestazions y proscimamënter nce pra la pruzescion de Dumënia dai Andli
N cëla daniëura nce de tré pea y ntujiasmé d’autri per chësta tradizion, per chiche jissa gën cun l guant dala gherdëina vëniel nce metù a jì sëires per mustré coche n tira sëura i pec desferënc.  L ie nce unì fat n film documenter dla lia.
Chësc y mo truep deplù iel da liejer tla Usc stampeda.

Chësc fova l argumënt da chëst ann per l Di nternaziunel di Museums y Di de porta davierta tl Museum Gherdëina
Y n à udù che l majer pez che ti ie jit a cuer ai truep vijitadëures fova propi l museum nstës.
Na gran cumpëida de jënt se à nuzà dl’ucajion dl “Di de porta davierta“ per jì a ti cialé al Museum de Gherdëina. L fova dessegur l drë tëmp n la ultima dumënia per na tel vijita y nia mé a truepa jënt de Gherdëina, ma nce a fulestieres y jënt da ora dla valeda ti àl sapù bel a se fé na raida tres i salamënc dl Museum.

Deplù tla Usc stampeda

Na blòta festa garateda per l’ucajion di 1000 ani de età de nosta grupa de viandanc
Dan n valgun dis ons abù l plajëi de festejé zeche che capitea plutosc dinrer. A cumpedé adum i ani de uniun de nëus dodesc, rùven al’età da no crëier de bën 1000 ani! Nosc ani ie spartii su nsci: l plu jëunn à 72 ani, pona damprovia un de 79, n auter 81, pona cater de 82 ani, un cun 84, l auter cun 88, nchinamei doi cun 89 y n ultima mo l plu vedl cun bën 90 ani.
Nsci ie nasciuda nosta grupa di viandanc:
L fova n di de lugio dl 2012 che, do na ciaculeda danter cumpanies, fòvel unì dit: “Co ...

La jëunes y i jëuni dla cuinta tlasses dl Lizeum d’Ert Cademia à metù a jì na mostra tla Lia Mostra d’Ert Circolo a Urtijëi
Per finé via l ann de scola n belëza, ma propi nce la fin dla scola auta, à 27 jëuni y jëunes dla cuinta tlasses l mesun de pudëi mustré si opres d’ert fates ntan i cin’ ani de scola, che coche ëi nstësc à dit dëssa mustré su si percurs de maduranza. L ie lëures d’uni sort, granc y pitli, da culëur y manco, ma nce de uni sezion: grafica, ert figurativa y design.

Deplù iel da liejer tla Usc stampeda

La jëuna de Sëlva à venciù la bedaia d’or pra la Garejeda Naziunela a cin’ stëiles a Manerbio tla Lombardia, cumpetizion resserveda al prim y segondo grado juniores
Jì a ciaval - Sofia Markart, ciavaliera de ades 18 ani de Sëlva, à purtà a cësa da Manerbio n prim post de mpurtanza per si cariera sportiva. L se trata de na garejeda tla categuria C 125 a tëmp cun leprò nce n barrage consecutif.
La categuria ie una de chëles cun la majera deficultà tecnica, y nscila nce cun na mont de pesć plu auta. La ie resserveda a atlec y atletes de prim y segondo grado juniores. Sofia à arjont l segondo grado bele cun 16 ani.

Deplù tla Usc stampeda

La presidënta dla Union di Ladins de Gherdëina ie una di dodesc jëuni – la sëula ladina – de Südtirol y dl Tirol che ie unic unerei tl NOI Techpark a Bulsan per l lëur de ulentariat
Pra la premiazion nce i presidënc Kompatscher y Platter.
Sofia Stuflesser da Digon desmostra for inò che la ie na jëuna lezitënta, ativa tl ciamp dl ulentariat.

Deplù tla Usc stampeda

L HC Gherdëina uel jì inant
Do che l vedl cunsëi à dat ju si ncëria iel stat mumënc de tëma che l sibe la fin dl HC Gherdëina. Ma la ne n’ie nia nscila: Walter Ploner uel mené inant la lia coche presidënt, l cunsëi ie unì lità, Erwin Kostner ie l trainadëur nuef.

Deplù tla Usc stampeda

De merz y auril ma pona inant nchin de mei iel stat tla Bibloteca Ladina Anda Malia da Cudan tla Cësa di Ladins a Urtijëi n curs de ladin per chiche scumëncia, metù a jì dala Union di Ladins de Gherdëina.

La Grupa per la Defendura di Uciei de Gherdëina y la Union di Ladins ve nvieia de cuer a doi de bela manifestazions che trata di uciei y dl mesun de i recunëscer aldò dl sonn Ai 23 de mei dala 20.30: “Recunëscer i uciei aldò dl sonn“, referat n con’ di uciei cun l espert Iacun Prugger. Luegia: Biblioteca Ladina “anda Malia da Cudan”, Cësa di Ladins. Ai 25 de mei dala, dala 7.15 nchin la12.00: “Usservé i uciei y i recunëscer aldò dl sonn”, jita a Laion. Luegia:plaza dai auti dlongia la ustaria ...

Da vint ani incà iel bele l servisc de cunsulënza n con’ di debic da pert dla Caritas a livel provinziel. Nstadì iel stat la giaurida de na mostra di sculeies dl Lizeum d’Ert Cademia n con’ dla tematica di debic y de coche n possa unì ora dala spirala di debic privac.L articul ie da liejer tla USC stampeda di 17 de mei.

Ai prims de auril ova Rudi Kostner dl Funtanela sëurantëut l assessorat da Martin Moroder che ova dat ju si ncëria, deventan inò cunselier scëmpl te Chemun de Urtijëi. Puecia enes do avëi tëut su chësc assessorat ons ulù s’urté cun Rudi Kostner per audì coche l va inant i lëures y ciunes che ie si prima mprescions.Foto: L assessëur nuef de Urtijëi Rudi Kostner. L articul ie da liejer tla USC stampeda di 17 de mei.

“Ulentariat Jëunn”: tl Noi Techpark a Bulsan vëniel ncuei vënderdì ai 17 de mei unerà cin’ jëunes y jëuni che es à fat merit tl ciamp dl ulentariat I à permò danter i 25 y i 33 ani, ma si mpëni de ulentariat ie bele śën da ejëmpl: Verena Dariz de Persenon, Philipp Donat de Frangart, Lisa Huber de Kardaun, Sarah Maria Ratschiller de Dorf Tirol y nce Sofia Stuflesser de Runcadic vën unerei ncuei vënderdi dala 19.00, tl Noi Techpark a Bulsan, streda Volta 8. La uneranza unirà sëurandata dai ...

L liber de Rusina ie unit ora nstadì. N liber garatà, che te fej cialé ca a udëi tant che l ie laite te na vita de na persona. Y pra Rusina seméiele che l ie mefun mo deplù laite che pra na “persona normala”.Foto: Egon Moroder Rusina tl 1969.Deplù tla USC stampeda di 17 de mei.

La rojula vën rateda la regina di ciofs pervia che l ie tan n bel ciof, ma la ne n’ie nia bela da udëi, la à nce truepa de bona cualiteies che fej bon sibe tl ciamp dla medejina che nce per la cura dl corp y nce per la sanità Foto: La rojula ie bela y à truepa fazions positives sun nosc corp y nosta sanità. Deplù tla USC stampeda di 10 de mei. Per la Butëiga dl Mond, Karin Planker

Tëmp y temperatures ntan l mëns de auril, muserei te na luegia te Sëlva a 1.595 metri de autëza. L mëns de auril ie stat scialdi plu frëit che chël dl ann passà, cun 4,56 C° de mesana, permez ala mesaria de 6,33 C° dl 2018. Foto: la gran nevera che l à fat ju te Sëlva (fotografia de Pauli Senoner Gredine). Deplù tla USC stampeda di 10 de mei.

Ai 15 de dezëmber dl 2018, ntan la libra de Copa dl Mond sun la Saslonch, se ova Marc Gisin, discesista dla Svizra, fat scialdi mel, tuman sun la Gobes de Camel. L ultimo fin dl ena, cin’ mënsc do la desgrazia, ie Gisin unit te Gherdëina per rengrazië de persona l Cumitat de Urganisazion y dantaldut l Aiut Alpin per l sucors fat a puntin. Foto: ntan la vijita de Marc Gisin tla sënta dl Aiut Alpin. Da man ciancia: Horst Demetz, Raffael y Gabriel Kostenr, la duturëssa Rauch, Marc Gisin y Rainer ...